鬼咁好玩好買

海洋公園推出一系列全新哈囉喂主題精品，款款都特別精緻，必買推介有超可愛的女巫帽熊貓肩膀公仔，全程陪你並肩玩轉哈囉喂！還有南瓜女巫帽頭箍、黑貓南瓜頭箍、蝙蝠熊貓及糖果禮帽髮夾，為你的鬼馬造型加分。膽大包天、越嚇越興奮的你，一定要入手「嘩鬼纏身符」髮飾*，有機會增加園內撞鬼機會，全晚都嚇到你we嘩鬼叫，魂飛魄散；細膽鬼必備「惡靈退散符」護身髮飾*，則有機會幫你避開園內猛鬼，享受一個屬於你的哈囉喂祭典，大家記得盡情搶購！

係人係鬼都知，入嚟海洋公園玩轉哈囉喂，一定要到遊戲攤位大玩特玩！一系列節日限定的獎品已陸續登場，其中最吸引的非LuLu豬聯乘系列公仔莫屬！已換上全新萬聖節鬼馬服飾，化身綠色科學怪人的LuLu豬可愛度爆燈，還有戴上螃蟹頭套的造型，以及懶洋洋的趴地熊貓裝扮，款款都萌化你的心！

其他哈囉喂公仔包括大官殭屍、南瓜稻草人、吸血企鵝、巫師黑貓等亦已登陸不同攤位。大家快來挑戰將它們帶回家，獎品換完即止，想贏走就要快手！

想要成為哈囉喂的全場焦點？一於交畀駐場專業化妝師，同你喺臉部或手臂畫上精緻彩繪，有可愛南瓜、骷髏面譜，還有七彩鬼眼圖案等等任你隨心選擇，等你變身鬼火咁靚，必定搶盡風頭！